Gjykata e Tiranës ka vendosur masën e sigurisë arrest me 30 ditë burg, për Ervis Martinaj, i përfshirë në vrasjen e 4 tetorit në zonën e ish-Bllokut.
Vendimi vjen pas kërkesës së prokurorisë për të caktuar një masë të re sigurie për Martinaj si person i përfshirë në përplasjen me armë në lokalin Monopol me një viktimë dy të plagosur, por edhe për hetimin pasuror që tashmë Krimet e Rënda kanë nisur ndaj tij.
Sipas informacioneve vendimi është dhënë nga gjyqtari Artan Gjermeni, i cili i dha afro 1 muaj kohë prokurorisë për të sjellë prova të tjera.
Ndërsa avokatët e Martinajt kërkuan rrëzimin e masës së re, ndërsa me argumentin se Martinaj përdor një pasaportë kosovare dhe nëse lihet i lirë arratiset, prokuroria këmbënguli për arrest me burg pa afat.
