Vajza 23-vjeçare e cila dyshohet si arsyeja e vrasjes së shqiptarit në Mykonos është rrëfyer para hetuesve.
Në gjendje të rënduar psikologjike, e reja ka pranuar lidhjen në të shkuarën me shqiptarin e vrarë, Visar Dakramaj. Sipas mediave vendase, 23-vjeçarja ka deklaruar se kjo marrëdhënie mes tyre ka përfunduar para dy vitesh.
Ndërkohë miq të autorit të vrasjes shprehen se nuk bëhet fjalë për një krim pasioni. Sipas tyre 23-vjeçarja nuk ishte në një lidhje dashurie me Athanasios Nazos.
“Vajza për të cilën ka pasur një keqkuptim nuk ka marrëdhënie romantike me Thanasis”, thotë një nga miqtë e autorit të vrasjes.
Nga ana tjetër autori ka deklaruar se në momentin e vrasjes ishte i dehur.
Fillimisht i riu shqiptar ka goditur me grusht autorin e vrasjen, duke u përleshur fizikisht për rreth 10 minuta. Pas sherrit i riu grek është larguar nga vendngjarja dhe ka marrë një armë gjahu, me të cilën kreu dhe vrasjen.
