Vrasja e palestinezes në Tiranë, 24-vjeçarja nënë e tre fëmijëve! Kishte denoncuar të atin për dhunë në Gjermani

Detaje të reja zbulohen nga ngjarja e rëndë e zbuluar më 27 shkurt në Tiranë, ku një 24-vjeçare u gjet e vrarë në një shtëpi të marrë me qira në rrugën  “Gjon Muzaka”.

Rayyan Alwan, 24 vjeç, dyshohet se u vra me thikë nga babai i saj Fadi Alwan, i cili pas ngjarjes është larguar nga Shqipëria.

Lexo edhe :

Related Posts

Palestinezja u vra nga babai, policisë së Tiranës i vjen përgjigjja nga Interpoli

Vrasje “për nder”, nëna e 24-vjeçares palestineze thotë se e bija shantazhohej me video nudo, çfarë ndodhi mes saj dhe babait në Tiranë

Gazetari i Vizion Plus, Esido Barkaj, mëson se 24-vjeçarja ishte më përpara e martuar, por ishte divorcuar dhe nga martesa kishte 3 fëmijë.

Policia pistë kryesore ka konfliktet që e reja kishte me familjarët e saj, të krijuara pas divorcit për shkak të jetesës që bënte.

Familjarët, të cilët jetojnë në Gjermani kanë dhënë dëshmi duke thënë se 24-vjeçarja bënte jetë të lirë dhe larg parimeve të islamit, gjë që është kundërshtuar sidomos nga babai i saj Fadi Alwan.

Në biletat e tyre është gjetur një numër identifikimi i dokumenteve kosovare për të dy. Kjo ka bërë që policia e Tiranës të kërkojë informacione te pala kosovare nëse dy shtetasit nga Palestina kishin apo jo mjete identifikimi nga Kosova.

Autori i dyshuar Fadi Alwan  dyshohet se fshihet në Liban. Kjo ishte hera e parë që ata vinin në Shqipëri Viktima, gjatë kohës që jetonte në Gjermani kishte bërë kallëzim ndaj të atit për dhunë në familje./vizionplus.tv