Gjykata e Shkodrës ka vendosur arrest me burg për Kristian Kelmendin dhe Marjan Kolën, të cilët dyshohet se janë të përfshirë në vrasjen e ish-deputetit, Pashk Ujka.
Policia ra në gjurmët e tyre pas denoncimit të bërë nga djali i viktimës.
Hetuesit thanë se Kristian Kelmendit i janë gjetur edhe mbetje baruti në duar. Shkak i krimit dyshohet të këtë jetë bërë një borxh i pashlyer.
64-vjeçari Pashk Ujka u ekzekutua me armë me silenciator mbrëmjen e së hënës në qendër të qytetit të Shkodrës, ndërsa ishte i shoqëruar nga bashkëshortja dhe i vëllai.