Vrasja e dy kunatave, gjykata lë në burg përjetë autorët

Burg përjetë për tre të rinjtë që vranë dy të moshuara gjatë tentativës për t’i grabitur në banesë mbrëmjen e 2 shtatorit 2014. Vilson Elmazi, Artur Kacanollit dhe Indrit Shaqa, akuzohen për vrasjen e dy të moshuarave, Gjenovefa dhe Elsa Vava. Krimi është marrë përsipër nga Indrit Shaqja, por sipas Gjykatës edhe dy të tjerët kanë qene bashkëpunëtore. Dy gratë u lidhën këmbë e duar dhe u mbytën me qese plastike, gjatë një tentative grabitjeje të ndodhur shtatorin e vitit 2014. Artur Kaçanolli është nipi i njërës nga viktimat dhe sipas tij, ato mbanin në shtëpi sende floriri. Avokatët e tre të pandehurve, pretenduan se vrasja kishte ndodhur nga pakujdesia, pasi të rinjtë, nuk kishin qëllim t’i vrisnin.