Prokuroria e Krujës dërgoi për gjykim 4 persona, të akuzuar për vrasjen e biznesmenit Fatmir Pula, ngjarje e ndodhur në 19 janar të këtij viti. Për këtë krim, u akuzuan shtetasit Admir Haka, Elton Ceka, Herton Haka dhe Olti Metuku. Sipas akuzës, ngjarja e rëndë ndodhi në komunën Nikel, ku viktima u gjet i vrarë me pese plumba kallashnikovi. Shkaku i ekzekutimit thekson organi i akuzës, ka qenë grabitja 45-vjeçarit, i cili kishte një lokal në zonën e Kamzës. Të arrestuarit do të gjykohen për veprën penale të “vjedhjes me pasojë vdekjen dhe “armëmbajtje pa leje”.
