Dhoma Kombëtare e Avokatisë pas vrasjes së avokatit të njohur Ravik Gurra, është solidarizuar me kolegët e Elbasanit, duke ndërprerë shërbimet për tre ditë, nga e mërkura në të premten.
Përmes një deklarate për mediat Dhoma Kombëtare e Avokatisë, bën me dije se kjo është një nga ngjarjet më të rënda dhe u bën thirrje organeve ligjzbatuese të zbardhin një orë e më parë autorët e vrasjes.
“Dhoma solidarizohet më anëtarët. Kërkojmë edhe nga opinioni që të ndërgjegjësohet. Jemi koshient që në situata të tilla një ndikim të madh ka edhe destabilizimi politik”.
Ekzekutimi i avokatit të Shullazit, Ravik Gurra, për kolegët në Elbasan ishte një kambanë alarmi për sigurinë, ndaj në shenjë protestë për vrasjen mafioze në qendër të qytetit vendosën bojkot të proceseve gjyqësore për 5 ditë.
