Partia Demokracia e Re në Greqi ka reaguar në lidhje me videon e vrasjes makabre të shqiptarit Albert Bako në burgun e Koridhalos.
Kostas Karagounis, zëvendëssekretari I kësaj force, e cilësoi si një turp vrasjen e shqiptarit ndërsa nuk i ka kursyer akuzat në drejtim të partisë SYRIZA.
“Në Greqinë e SYRIZA tani konsiderohet normale që të burgosurit jo vetëm të organizojnë partinë, por edhe të vrasin njëri-tjetrin. Imazhet e vrasjes brutale në burgun e Korydallos janë tronditëse”
Albert Bako u vra më 14 janar të këtij viti në burgun e Koridhalos. Në videon e publikuar nga mediat greke shikohet se Bako sulmohet me thikë nga dy persona.
Në video shihen dhe gardianët e burgut të cilët nuk ndërhyjnë fare në neutralizimin e dy të burgosurve të tjerë.
