Grupi kriminal Hajri nga Shijaku doli sot Para gjykatës penale të Tiranës, nën akuzën e rrëmvbimit, vrasjes dhe fshehjes së trupit të 49 vjecarit Jan Prenga.
Në sallë u paraqitën 5 personat e arrestuar deri më tani për ngjarjen tronditëse: Bajram Hajri, djali i tij, Leonard Hajri, Olsi Turja,Elton Hajri dhe Festim Bexhdili.
Ndërsa Altin Hajri që konsiderohet si kreu i grupit, është shpallur në kërkim pasi ende nuk është kapur nga policia.
Sipas Prokurorisë, të arrestuarit akuzohen për “Rrëmbimin dhe mbajtjen peng te personit”, “Fshehjen dhe asgjësimin e kufomës”, për “Veprime që pengojnë zbardhjen e të vërtetës”, “Përkrahje te autorit të krimit” si dhe për “Armëmbajtje pa leje”.
49-vjeçari Jan Prenga u mor peng në Kamëz dhe u dhunua më datën 17 Janar. Ai u rrëmbye nga dy perzona pranë shtëpisë së tij dhe gjatë transportimit në kompleksin Golden të familjes Hajri në Shijak, sipas policisë, ai ka gjetur vdekjen. Por ende trupi nuk është gjetur.
Kërkimet janë shtrirë në zonën e Shijakut, por edhe në brigjet e lmit Erzen dhe në vijën bregdetare në Kavajë.
Grupi hetimor ndërkohë ka zbuluar se urdhëtuesi i rrëmbimit ëshët bosi i drogës, Dritan Rexhepi, aktualisht i burgosur në Ekuador për trafik Droge. Po ashtu, pjesë e planit kriminal janë edhe gentian Doci nga Dukagjini si edhe disa persona të tjerë, të shpallur në kërkim.
Jan Prenga u mbajt peng për ti bërë prtesion vëllait të tij në Angli, Astrit Prenga i cili kishte rrëmbyer një sasi prej rreth 300 kilogramë kojkainë që u përkiste grupeve kriminale nga Shijaku e Shkodra.
Ne foto: Dritan Rexhepi
