Kreu i Partisë Demokratike, Lulzim Basha, ka votuar në çerdhen 13 në njësinë 8, i shoqëruar nga bashkëshortja e tij.
Pasi ka dalë nga qendra e votimit, ai ka dhënë një deklaratë për mediat, të cilën e ka nisur me një urim për festën dhe më pas ka vazhduar me një kërkesë për shqiptarët, që të votojnë për të ndryshuar të ardhmen e tyre.
“Gëzuar festën! Bekim i zotit mbi shqiptarët! Sot një ditë shumë e rëndësishme për Shqipërinë, le ta bëjmë këtë ditë një festë të dyfishtë. Vetëm përmes votës mund të ndryshohet Shqipëria. Mos mungoni në këtë vendimmarrje të madhe. Me votë mund të ndryshoni Shqipërinë dhe jetën tuaj”, kanë qenë këto disa nga fjalët e Bashës.
