Kuvendi ka votuar të gjithë dekretet e presidnetit Ilir Meta për ministrat e emëruar dhe të shkarkuar. Në këtë seancë të jashtëzakonshme kanë marrë votëbesimin 7 ministra dhe zëvendëskryeministri Erion Braçe që kanë marrë votëbesimin, ndërsa posti i ministrit të Jashtëm mbetet bosh deri në vendimin e Presidentit Meta.
Ndërkohë seanca nisi me debate nga kryesuesit e grupeve parlamentare të PD dhe LSI, të cilët kërkuan që seanca e kësaj të mërkure të jashtezakonshme të shoqërohej me diskutime, kërkesë që nuk u miratua nga mazhoranca.
Menjëherë pas këtij vendimi deputetët e opozitës janë larguar nga salla e kuvendit, pa marrë pjesë në votimin për dekretin e ministrave.
Në këtë seancë të jashtëzakonshme që është thirrur nga kryeministri Edi Rama janë votuar dekretet për ndryshimet në qeveri;
Ikën Arben Ahmetaj, vjen Anila Denaj si ministre e Ekonomisë
Ikën Damian Gjiknuri, vjen Belinda Balluku si ministre e Infrastrukturës
Ikën Mirela Kumbaro, vjen Elva Margariti si ministre e Kulturës
Ikën Lindita Nikolla, vjen Besa Shahini si ministre e Arsimit
Ikën Sonila Qato, vjen Eduard Shalsi ministër për Sipërmarrjen
Ikën Niko Peleshi, vjen Bledi Çuçi si ministër i Bujqësisë
Ikën Senida Mesi, vjen Erion Braçe si zëvendës- kryeministër
Elisa Spiropali emërohet Ministre për Marrëdhëniet me Parlamentin.
