Asnjë shqetësim. Votimi elektronik është i sigurt dhe i fshehtë.
Kjo është garancia që komisioneri shtetëror i zgjedhjeve, Ilirjan Celibashi, i dha qytetarëve dhe kandidatëve në garë për bashkinë e Elbasanit.
ILIRJAN CELIBASHI
KOMISIONERI SHTETEROR I ZGJEDHJEVE
Nga pikëpamja e sigurisë dhe fshehtësisë së votës, pajisja ka siguri 100%. Nuk ka asnjë lloj mënyre për të identifikuar votën e votuesve. Garantohet fshehtësia ndaj do t’i ftoja votuesit e këtyre 3 bashkive që pa hezitim të votojnë për kandidatët, pa qenë në dyshim që vota e tyre do të jetë publike. Pajisja dhe sistemi i ofron të gjitha, as sistemi i zgjedhjeve, as kompania s’ka mundësi për të verifikuar mbi votën e qytetarëve.
Për herë të parë, qytetarët e Elbasanit do ta shprehin vullnetin e tyre politik në mënyrë elektronike. Ekipi i Komisionit Qendror të Zgjedhjeve bëri testimin e parë dhe këto pajisje do të qëndrojnë në mjediset e teatrit Skampa, ku çdo zgjedhës mund të njihet me mënyrën e funksionimit.
ILIRJAN CELIBASHI
KOMISIONERI SHTETEROR I ZGJEDHJEVE
Kemi sjellë në Elbasan në tre pika, në bashkinë e Kamzës në 2 ambiente dhe në bashkinë e Vorës në 1 ambient për t’u familjarizuar. Këto do të qëndrojnë deir para zgjedhjeve ndaj i nxis partitë politike dhe mediat që të nxisin qytetarët të testojnë pajisjen
Elbasani nuk do jetë bashkia e vetme, ku do të aplikohet teknologjia. Edhe në Vorë dhe Kamëz votimi dhe numërimi do të jetë elektronik, duke bërë që rezultati i zgjedhjeve për këto tre bashki, të dalë brenda pak minutave pas mbylljes së qendrave të votimit.
