Për herë të parë në Shqipërinë pluraliste do të votojnë emigrantët shqiptarë në zgjedhjet e 11 majit.
I ftuar në studion e Quo Vadis të moderatores Pranvera Borakaj në Vizion Plus, kreu i LZHK, Dashamir Shehi, deklaroi se vota e emigrantëve është një avantazh shumë më i madh për Shqiëprinë.
Sipas tij emigrantët do të jenë më të lirë për të votuar dhe me shumë më pak presion. Ndërsa shtoi se do të votojnë rreth 50-60 mijë emigrantë.
Pjesë nga biseda:
Borakaj: Si e shikoni votën e emigrantëve?
Shehi: E shoh favor për Shqipërinë. Nuk e di këtë herë si do shkojë, se dimë sa do votojnë si do jetë projeksioni. Unë mendoj se vota e emigrantëve është avantazh, pasi emigranti është njeri më i lirë, pasi nuk merr rrogën e shtetit shqiptar siç merr nëpunësi civil. E dyta nuk ka presionin ekonomik, e treta që është më e rëndësishmja është se ai vjen nga një ambient që është më demokratik se Shqipëria. Pra ëhstë një njeri më mëndjehapur, dhe unë presupozoj se ata e kuptojnë se ky ka 12 vjet, nuk mund të rrijë dhe katër të tjera. Nuk ka njeri që rri 20 vjet. Unë mendoj se do votojnë rreth 50-60 mijë emigratë. Si do ndahen opinionet, po sigurisht si këtu.
