Presidentja e Komisionit Evropian, Ursula Von Der Leyen ka mbajtur sot fjalim në Kuvendin e Maqedonisë së Veriut.
Gjatë fjalës së saj ajo u përball me kontenstime nga ana e deputetëve të pasi nga salla u dëgjua disa herë një bilbil ndërsa në drejtim të saj u hodhën edhe pankarta.
Megjithatë, përgjigja e presidentes së KE-së ishte “ Ju falenderoj për këtë sjellje demokratike.”
Ajo theksoi më tej se i ka dëgjuar me kujdes shqetësimet për gjuhën dhe shtoi: Gjuha maqedonase është gjuha juaj dhe nuk do të preket në këtë proces”.
Kujtojmë se kuvendi i Maqedonisë së Veriut është mbledhur këtë të enjte për propozimin francez për zgjidhjen e mosmarrëveshjeve me Bullgarinë, një proces që do t’i hapte rrugën nisjes së bisedimeve për anëtarësim në BE.