Ish-deputetja demokrate, Albana Vokshi u shpreh e bindur se nuk do të ketë zgjedhje pa opozitën në 30 qershor.
Vokshi theksoi se fronti opozitar do të vijojë të insistojë në kërkesat e propozuara me qëllim krijimin e kushteve për zhvillimin e zgjedhjeve të lira dhe të ndershme.
“Një gjë është e sigurt: zgjedhje pa opozitën e vërtetë nuk do të ketë!! Zgjedhje pa u krijuar të gjitha kushtet dhe standartet për vote të lirë e të ndershme, nuk do të ketë!! Hapi i parë, që kërkohet nga fronti opozitar, është krijimi i një qeverie tranzicioni, që të miratojë reformën zgjedhore që do të krijojë kushte e standarte për zgjedhje të lira e të ndershme. Së dyti, të ndëshkohen të gjithë zyrtarët e lartë, nisur nga Edi Rama, Vangjush Dako, Damian Gjiknuri e cdo zyrtar tjetër qe ka marrë pjesë në krimin elektoral të vjedhjes dhe blerjes së votave ne zgjedhjet e fundit. E së treti, të inkurajojë një reformë në drejtësi jo të politizuar, që fillon nga funksionimi i Gjykatës Kushtetuese, Gjykatës së Lartë e kështu me rradhë, për të dhënë drejtesinë që të gjithë shqiptarët e meritojnë.”
Vokshi I bëri deklaratat në Berat ku zhvilloi një takim me gratë demokrate të këtij qyteti. Ajo u kërkoi atyre që t’I bashkohen protestës së opozitës në 11 maj me qëllim rrëzimin e qeverisë.
“Gratë të protestojnë! Kjo është thirrja që bëra grave dhe vajzave Beratase. T’i bashkohen aksionit opozitar, të dalin në protestat e organizuara nga opozita e bashkuar dhe Partia Demokratike. Të protestojnë së bashku dhe me familjarët e tyre, në dt 11 maj për ta rrëzuar sa më parë e për ta larguar aktorin dhe faktorin kryesot që mban peng të ardhmen europiane të shqiptareve që është Edi Rama.”
