Kryetarja e Komisionit të Medias, Albana Vokshi ka akuzuar kryeministrin Rama se u ka sjellë shqiptarëve vetëm varfëri.
Në një postim në “Facebook”, Vokshi duke u ndalur mënyra sesi qeveria veproi me ligjin “Për tatimin mbi të ardhurat” që u kthye për rishqyrtim nga presidenti Meta, akuzoi mazhorancën se ka shkelur çdo procedurë parlamentare.
Sipas Vokshit, lekët që do të fitojnë oligarkët nga ky ligj do të mjaftonin që të ndërohej korpusi I ri I Universitetit të Tiranës.
“Do mjaftonin vetëm këto para për të ndërtuar korpusin e ri të Universitetit të Tiranës, për të rindërtuar të gjitha godinat e universiteteve publike ri, për të rindërtuar të gjitha konviktet, për të përmirësuar bibliotekat, laboratorët dhe gjithë infrastrukturën universitare. Fakti që vendimin për uljen e tatimit mbi milionerët (në euro) e Shqipërisë e mori në një kohë kur studentët kërkojnë mbështetje buxhetore, investime minimale në shkolla e konvikte, tregon fytyrën e vërtetë të Edi Ramës: grabitës të popullit dhe shërbëtor të oligarkëve.”
Më tej Vokshi e akuzoi qeverinë se po jeton në botën e luksit ndërsa vendi është uzurpuar nga varfëria.
