Një vajzë e vogël lindi me tre dhëmbë. Prindërit e saj u tronditën nga ky lajm. Sapo erdhi në jetë, ata dëgjuan mjekët dhe mamitë të bërtisni “Ajo ka dhëmbë”.
Steve Fulton, 35 vjeç dhe Maria Coyle, 31 vjeç, prindërit e vogëlushes Gracie, mësuan se të porsalindurit me dhëmbë janë një fenomen i rrallë. Maria përjetoi një shtatëzani të vështirë.
“Mjekët na thanë që ishte jashtëzakonisht e rrallë, me sa duket është si një në 2,000 bebe që lindin me dhëmbë. Pediatri e kontrolloi atë dhe ishte i lumtur me gjithçka, përfshirë dhëmbët”, tha ajo.
Maria zbuloi se ajo ishte 19 javë shtatzënë në mars. Edhe pse lajmi ishte befasues, të dy ishin të emocionuar për fëmijën e tyre të parë.
Gracie është një foshnje plotësisht e shëndetshme, por as mjekët nuk kanë një shpjegim për tre dhëmbët e saj.
“Unë e pyeta maminë nëse duhet t’i lajmë ata dhe ajo tha që ne duhet të kërkojmë në Google për atë sepse ajo nuk e kishte idenë. Askush nuk di shumë gjëra për këtë. Ne kemi provuar të kërkojmë informacione, por nuk ka shumë të dhëna apo detaje për dhëmbët e porsalindurve”, tha babai i vogëlushes.
Shumicës së foshnjave dhëmbët nisin t’iu dalin kur janë 4-6 muajsh. Tek ata që kanë zhvillim të vonë, ky proces mund të nisë edhe një vjeç. Ekspertët britanikë thonë se dhëmbët e të porsalindurve janë diçka shumë e rrallë. Sipas tyre, ato janë shpesh të lirshme sepse rrënjët nuk janë zhvilluar siç duhet.