Gjykata e Tiranës ka lënë në burg shtetasin gjerman Stefan Morgenstem i cili akuzohet nga Koreja e Jugut për mashtrim.
Përmës avokatit të tij, 61-vjeçari kërkoi masë më të butë. Gjithashtu pala mbrojtëse tha se mes Shqipërisë dhe Koresë së Jugut nuk ka marrëveshje ekstradimi.
Morgenstem u arrestua pak ditë më parë në Rinas teksa ishte duke pritur bashkëshorten e tij që udhëtonte nga Dubai.
Ai akuzohet se në bashkëpunim me disa persona të tjerë ka ndërtuar një skemë mashtrimi, e cila supozohej se shpërblente investitorët, për blerjen e paketave të reklamave dhe rishitjen e tyre tek përdoruesit e rinj.
Sipas të dhënave ky grup ka mashtruar afro 2200 persona me një dëm prej 28 milionë eurosh.
