Një 22-vjeçar ka rënë në prangat e policisë, pasi dyshohet se është autori i vjedhjes në kasafortën e një lokali në Shëngjin, në pronësi të kushëririt të tij.
I ndaluari është shtetasi Mariglen Lari, 22 vjeç, banues në Lezhë.
Policia bën me dije se shuma monetare e grabitur në kasafortë ishte 7.265 Euro, 120 Paund, 45.300 Lekë ( të reja). Paratë e grabitura ai i kishte hedhur në një kosh mbeturinash për ti fshehur, ku u gjetën dhe sekuestruan në cilësinë e proves materiale.
