Vodhi baxhon e fshatit, kapet hajduti 63 vjeçar në Cërrik

Policia e Elbasanit ka arrestuar në flagrancë shtetasin J. M., 63 vjeç, banues në Cërrik.

Në fshatin Bizhdan të Elbasanit, dyshohet se ai ka vjedhur baxhon në pronësi të shtetasit E. Ll., ku ka marrë disa mjete pune dhe më pas i ka shitur në pikën e skrapit në pronësi të shtetasit G. L., i cili u proçedua penalisht në gjendje të lirë.

Nga veprimet hetimore të kryera, dyshohet se ky shtetas është edhe autor i 2 vjedhjeve të tjera të banesave, të kryera gjatë muajit Mars.