Dy persona kanë rënë në prangat e policisë së Tiranës pasi vodhën një automjet dhe tentuan të largoheshin në drejtim të Pukës.
Shtetasit e arrestuar janë me inicialet D.D., 38 vjeç, lindur në Kukës dhe banues në rrugën “5 Maji”, në Tiranë dhe Sh.K., 32 vjeç, lindur dhe banues në Shkodër.
Sipas policisë, dy shtetasit e mësipërm në rrugën “Palok Kurti” në Tiranë vodhën një auromjet tip kamionçinë në pronësi të shtetasit V.M..
Pas vjedhjes së automjetit të dy shtetasit u nisën në drejtim të Pukës ku dhe u bë ndalimi i tyre.
Nga veprimet procedurale të kryera, si dhe bazuar në pamjet filmike, dyshohet se shtetasit e arrestuar janë edhe autorë të katër vjedhjeve të kryera më parë në qytetin e Tiranës dhe konkretisht :
Më datë 28.05.2018, gjatë natës në rrugën “Don Bosko”, kanë vjedhur mjetin tip “Benz” në pronësi të shtetasit B. K.
Më datë 01.12.2018, gjatë natës, në rrugën “Sejdini”, i kanë vjedhur fugonin tip “Benz”, shtetasit E.Ç.
Më datë 06.03.2019, në rrugën “Gjergj Legisi”, kanë vjedhur mjetin tip “Benz” në pronësi të shtetasit E.S.
Më datë 21.04.2019, në rrugën “Kadri Roshi”, Tiranë, kanë vjedhur automjetin tip Mercedes Benz, në pronësi të shtetasit E.M.
Dy të arrestuarit akuzohen nga policia për veprën penale “Vjedhja e kryer në bashkëpunim”.
