Dita e dyte e seancës se kuvendit te Maqedonisë per ngritjen e komisionit per zgjedhje dhe emërime, qe do te realizoje edhe procedurën e zgjedhjes se kreut te ri e parlamentit, eshte mbyllur pa asnje rezultat. Kryesuesi Veljanovski ka njoftuar se ajo do te vazhdoje serish te mërkurën duke nisur nga ora 11. Ndërkohe, ne oret e mbasdites, VMRO-DPMNE-ja shpalosi planin e saj për dalje nga kriza politike në të cilin parashikon marrëveshje mes partive politike që të mos lejojnë më ndërhyrje të jashtme për zgjidhjen e problemeve te brendshme.
Forca politike e Nikolla Gruevskit ka kërkuar qe te qartësohet rëndësia e parimit “Fituesi me fituesin” si dhe të theksohet qartë në ligj se kujt i takon posti i kryetarit të Kuvendit. Mes të tjerash VMRO-DPMNE-ja u bën thirrje partive që të përcaktohen nëse prioritet do të mbetet procesi i integrimit te vendit ose i ri-përkufizimi te marrëdhënieve mes etnive, nëse do të përkrahet modeli multi-kulturor ose ai binacional i vendit. LSDM-ja kundërshtoi ashpër këtë plan-strategji të VMRO-DPMNE-së duke vlerësuar se populli e tha fjalën e vetë dhe e dërgoi Nikolla Gruevskin dhe VMRO DPMNE-në në opozitë.
