Një gomone me 5 persona në bord ka dhënë sinjalin SOS pasi pësoi një defect në motor.
Gjatë dhënies së sinjalit SOS gomonia ndodhej në afërsi të Karaburunit. Ngjarja ndodhi rreth orës 14:00 ndërsa menjëherë është nisur Policia Kufitare për t’I ardhur në ndihmë mjetit lundrues.
Qendra Ndërinstitucionale Operacionale Detare njofton se mjeti u gjet rreth orës 14:35 dhe se I është dhënë asistenca e kërkuar nga ana e Policisë Kufitare.
Të pesë personat raportohet se janë në gjendje të mirë shëndetësore dhe janë shoqëruar në portin e Vlorës.
