Nje makinë tip “benz” është përfshihet nga flakët mbrëmjen e te mërkurës ne Vlore, duke u djegur plotësisht. Pamjet e filmuara nga banorë të zonës tregojnë automjetin që po digjet dhe dy policët qe përpiqen të afrohen. Por shpërthimi i mjetit ka bërë ata të zmbrapsen dhe të presin mbërritjen e zjarrfikëses.
Ngjarja ndodhi në rrugën “Transballkanike” . Sipas policisë, makina është në pronësi të 30-vjeçares Laureta Nebiu. Ajo ka pohuar se shkak i zjarrit mund të ketë qenë një shkëndijë elektrike, pasi prej dy javësh, makina i kishte shfaqur probleme. Por policia po heton edhe për një zjarrvënie të qëllimshme.