Vlorë, plumb në kokë çobanit

Një i ri 21 vjeçar është gjetur i vrarë me plumb në kokë në Vlorë. Ngjarja ka ndodhur në fshatin Vranisht, mbrëmjen e djeshme. Viktima është identifikuar si Endri Kosteja nga Librazhdi, ndërsa policia dyshon se bëhet fjalë për vrasje, pasi në trupin e tij janë gjetur plagë të shkaktuara nga armë zjarri. I riu, i cili punonte në një stan si çoban, ka një plagë në syrin e djathtë, çka shton dyshimet e grupit hetimor se nuk kemi të bëjmë me vetëvrasje, siç u mendua në fillim. Menjëherë uniformat blu të qytetit bregdetar arrestuan pronarin e stanit, Sheref  Lelaj, 74 vjeç, si dhe shpallën në kërkim dy djemtë e tij. Nga ana tjetër, mbetet mister motivi i kësaj vrasje, teksa i moshuari ka mohuar autorësinë e krimit në ambientet e komisariat të Policisë Vlorë.