Moti i keq me erëra të forta e reshje të dendura shiu ka krijuar dallgë të mëdha, duke paralizuar lundrimin e mjeteve detare në portin e Vlorës. Zyrtare nga kapitaneria e portit të Vlorës thanë se nisja e tragetit të linjës Vlorë – Brindisi nga Italia, është shtyrë për shkak të motit të keq. Situata e përkeqësuar ne det ka bërë që të pezullohet puna edhe në sektorin e ngarkim-shkarkimit dhe te peshkimit.