Një grabitje me dhunë është regjistruar në Himarë gjatë mesnatës.
Dy persona të paidentifikuar rreth orës 01:00 të natës janë futur me forcë në banesën e dy të moshuarve në fshatin Vuno dhe kanë vjedhur një sasi parash prej 800 eurosh.
Sipas policisë, dy grabitësit kanë ushtruar dhunë mbi çiftin e të moshuarve deri në momentin që ata u kanë dhënë paratë.
Të moshuarit janë dëmtuar lehtë nga dhuna e ushtruar dhe janë jashtë rrezikut për jetën.
Ndërkohë grupi hetimor po punon për sqarimin e rrethanave të ngjarjes.