Vllaznia- Luftëtari është sfida e javës së pestë të kampionatit që do të luhet ditën e dielë dhe për shkodranët konsiderohet detyrë fitorja në këtë përballje.
Në njëfarë mënyre, futbollistët kuqeblu janë në presion për të marrë me çdo kusht trepikëshin por nuk mendon kështu trajneri Mirsad Jonuz.
Në prononcimin e tij të pragndeshjes, për gazetarët ai ka deklaruar se futbollistët e kanë të qartë atë se çfarë duhet të bëjnë…
Ndaj gjirokastritëve do të mungojnë në formacionin e Vllaznisë mbrojtësi Gligorov dhe mesfushori Krymi për arsye dëmtimesh si dhe Ramadani i skualifikuar për kartona, por kjo duket se nuk përbën problem për stafin teknik.
Ata kanë në dispozicion një kontigjent të mjaftueshëm lojtarësh për t’i zëvendësuar dhe për ta fituar këtë përballje që do të luhet në orën 16.00 dhe pa praninë e tifozëve për shkak të dënimit të fushës së Vllaznisë.
