Operacioni Forca e Ligjit ka zbarkuar këtë të martë në Tiranë, Berat dhe Shkozë, ku iu ka nisur kërkesat me shkrim për vetëdeklarimin e burimeve të pasurisë disa të dënuave për vepra të ndryshme penale.
Pasurinë duhet ta justifikojnë Fedianat Etemaj, i njohur ndryshe dhe si Ferdinand Etemi, Elton Drapi, Dorjan Memaj.
Ferdinand Etemi, banues në Berat, i dënuar për veprën penale “Shfrytëzimi i prostitucionit”;
Elton Drapi, banues në Tiranë, i dënuar për veprën penale “Trafikimi i të miturve”;
Dorjan Memaj, banues në Shkozë, i dënuar për veprën penale “Vjedhja me armë”, e kryer në bashkëpunim.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.
