Policia e Vlorës ka arrestuar 6 persona gjatë fundjavës, të cilët akuzohen për vepra të ndryshme penale.
Në pranga përfunduan:
65-vjeçari me iniciale I. Xh., i cili është konstatuar duke kryer ndërtim pa leje dhe duke përfituar energji elektrike në mënyrë të paligjshme.
P. A., 51 vjeç, banues Sarandë, i cili u kap duke drejtuar motorrin pa targa, mjet për të cilin nga verifikimet e kryera rezulton i vjedhur në Greqi.
J. K., 43 vjeç, banues në Livadhja, Sarandë. Ai u arrestua, pasi ditën dyshohet se të dielën ka vjedhur një aparat celular shtetasit G.L.
E. I., 32 vjeç, banues në Vlorë, i cili drejtonte automjetin në gjendje të dehur.
S. K., 23 vjeç, pasi nga hetimet e kryera, dyshohet të ketë përndjekur dhe ushtruar dhunë fizike e psikologjike ndaj të dashurës së tij 19-vjeçare.
K. J., 51 vjeç nga Vlora, i cili ka thyer masën e sigurimit personal “Arrest në shtëpi”.
