Gjykata e Vlorës ka dhënë vendimin për 4 personat e akuzuar për vjedhjen e armëve dhe municioneve në bazën ushtarake të Pashalimanit.
Gjykata dënoi me 16 muaj burg Ardit Ramajn e Lesko Ramosaco. Ndërsa për Ervis Memsulajn dha masën 20 muaj burg. Më I lehtë dënimi ka qenë për infermierin Edlir Nelaj, I cili u dënua me 12 muaj burg të konvertuar në 200 orë punë në interes publik.
Ngjarja ndodhi në 10 nëntor të vitit të kaluar ndërsa katër ushtarëte dënuar kanë qenë me detyrë roje. Ata u arrestuan pas hetimeve dhe u akuzuan nga organi I akuzës për shpërdorim detyre.
Gjatë seancëns gjyqësore, avokatët mbrojtës deklaruan se në pjesën e ku u krye vjedhja nuk ka pasur ndriçim dhe kamera sigurie.
Ndërkohë infermieri i arrestuar, Edlir Nelaj, gjatë procesit dëshmoi në gjykatë duke thënë: “Unë jam infermier i qendrës shëndetësore Pashaliman, nuk kam punë të bëj shërbim. Por, meqë këta thonë do shkosh atje se nuk kemi njerëz, na mbajnë të sforcuar. Nuk më takon të bëj shërbim”.
Ai u dënua me akuzën e falsifikimit të dokumenteve pasi ka firmosur në vend të rojes që nuk ishte.
