Vizita historike e Obamës në Kubë

Per here te pare qe nga viti 1959, nje president amerikan prek token kubane. Pak muaj përpara përfundimit te mandatit, shefi i Shtëpisë se Bardhe Barak Obama, zgjodhi te vizitoje ishullin komunist. Nje vizite historike qe shënon nje kapitull te ri mes dy armiqve te dikurshëm. Pas pritjes nga ministri Jashtem Bruno Rodriguez ne Havana, ndalesa e pare e presidentit ishte ne Ambasadën Amerikane, e rihapur vitin e kaluar.
“Për të parën herë avioni Air Force One zbriti në Kubë dhe kjo është ndalesa jonë e parë. Eshtë vizitë historike dhe sherben si nje mundësi historike për angazhim direkt me popullin e Kubës dhe për të arritur marreveshje të reja, edhe tregtare mes nesh. Në këtë mënyrë unë do paraqes vizionin tim se e ardhmja është më e ndritur se e shkuara”.
Gjate qëndrimit treditor ne Kube Obama do te takohet me presidentin Raul Kastro. Ne fokus te takimin jane çështje te tregtisë dhe reformave politike, ndërsa pritet edhe nje konference e përbashkët. Ditën e marte Obama do te mbaje nje fjalim ne televizionin kuban, ndersa do te takohet me disidente vendas. Nje grup i tyre, Grate ne te bardha u përplasen me policinë pak kohe perpara mbërritjes se presidentit amerikan dhe disa prej tyre u ndaluan nga policia. Vizita e presidentit amerikan ne Kube, shenon kulmin e raporteve diplomatike mes dy vendeve , te rivendosura ne vitin 2014. Obama shënoi nje ndryshim kursi te politikes amerikane te izolimit te ishullit komunist dhe po përpiqet qe ky kurs te jete i pakthyeshëm, edhe nese ne zgjedhjet e nëntorit ne krye te vendit do te jete nje president republikan. Embargoja ekonomike ndaj Kubes qe zgjat prej 54 vjetesh vazhdon dhe Obama i ka kerkuar Kongresit ta shfuqizoje, por kjo levizje eshte bllokuar nga republikanet.