Virusi “Zika”, në urinë dhe pështymë

Virusi “Zika” mund të identifikohet tek pacientët përmes analizave të urinës dhe ato të pështymës. Shkencëtarët braziliane, një ndër vendet më të prekura në Amerikën Latine, kanë konfirmuar se kjo sëmundje mund të parandalohet përmes këtyre testeve. Megjithatë, kërkuesit e institutit Fiokruz që financohet nga Ministria e Shëndetësisë në këtë shtet, theksojnë se kjo nuk transmetohet përmes lëngjeve të trupit, pasi provat nuk e kanë konfirmuar një fakt të tillë. Deri më tani, ajo që është konfirmuar është se përhapja e virusit Zika vjen përmes pickimit të mushkonjës. Pasoja me e rende e kësaj sëmundje ndjehet veçanërisht te gratë shtatzëna, të cilat lindin fëmijët e tyre me koke, larg përmasave normale. Ka studiues, të cilët dyshojnë se ai mund të përhapet edhe nga marrëdhëniet seksuale, por kjo teori nuk është e vërtetuar. Organizata Botërore e Shëndetësisë e kategorizoi virusin Zika po aq të rrezikshëm sa dhe Ebola. Ndërsa presidenti amerikan Barak Obama u ka bere thirrje shkencëtarëve që të gjejnë një kurë për këtë sëmundje, pasi deri me tani nuk ekziston asnjë ilaç për të.