Villarreal është skuadra e fundit që kompleton kuadrin e 16 ekipeve të kualifikuara për në fazën tjetër të UEFA Champions League.
Në duelin e shtyre të mërkurën për shkak të reshjeve të dendura të dëborës i vlefshëm për grupin F, spanjollët mundën 3 me 2 në Bergamo, Atalantën në një sfidë direkte për një biletë kualifikimi.
“Nëndetësja e verdhë” fitoi 3 me 2, duke siguruar një rezultat të madh.
Spanjollët e nisën ndeshjen në mënyrë të shkëlqyer duke shënuar që në minutën e 3 me anë të holandezit Danjuma, gol që erdhi pas një gabimi te mbrojtësit Demiral. Reagimi i Atalantës ishte i fortë, por rastet e Ilicic, Zapata dhe Freuler nuk u shfrytëzuan.
Jo vetëm kaq, por Villarreal goditi vendasit me një tjetër gol shënuar në fundin e pjesës së parë me anë të francezit Capue. Në startin e pjesës së dytë ku u fut në fushë edhe Gjimshiti, miqtë i dhanë goditjen e madhe bergamaskëve, dhe ai që shënoi golin e dytë personal ishte Danjuma. Atalanta u zgjua vonë duke shënuar dy gola me anë të Malinovskit dhe Zapates në minutat 70 dhe 80.
Shtylla e Luis Muriel ishte episodi i fundit i një tentative të çmendur të vendasve për të përmbysur shifrat. Megjithatë me vendin e trete në grup italianet ngushëllohen me kalimin në UEFA Europa League. Ndërkohë, Villarreal dhe Manchester United të kualifikuara nga grupi F, presin shortin e të hënës ku do të përcaktohet duelet e 1/8 që luhen në muajin shkurt te 2022.
