Ditet e fundit te kesaj jave kane shënuar nje bilanc tragjik mes emigranteve qe zbarkojnë drejt brigjeve italiane. Nga mbytja e tre anijeve ne kanalin e Sicilisë te paktën 70 persona kane gjetur vdekjen, ndërsa numri i te zhdukurve nuk dihet. Me fat kane qene 12 mije te tjere qe kane shpëtuar, fale ndërhyrjes se anijeve te marinës ushtarake. Nje pjese e tyre kane rrëfyer se qindra vete kane rene ne det pas përmbysjes se anijeve apo gomoneve. Anijet e përfshira ne patrullimin e ujërave kane shoqëruar deri pranë bregut mijëra njerëz, mes te cilëve edhe gra e fëmije. Te favorizuar nga moti i mire dhe deti i qete refugjatet vazhdojnë te nisen nga Libia per te mbërritur ne Sardenja, Kalabri e Pulja. Zbarkimet kete vit ne Itali jane thuajse sa ato te vitit te shkuar dhe jane riaktivizuar pas bllokimit te te ashtuquajturit korridori ballkanik. Shume prej emigranteve nuk dine not dhe nuk jane te pajisur me jelekë shpëtimi, çka e rrezikon udhëtimin e tyre, per te cilin paguajnë deri ne disa mije dollare. Gjate ketyre pese muajve shifra e viktimave ka arritur ne rreth 1500.

Leave a Reply

Your email address will not be published.