Vijon zhvendosja e emigranteve

Situata është e qete ne kampin e Idomenit ne kufirin mes Greqisë e Maqedonisë, ku policia greke vazhdon evakuimin e emigranteve. Ne ditën e dyte te operacionit qe po kryhet nga policia do te zhvendosen rreth 2 mije emigrante, shifër e ngjashme me atë te nje dite me pare.
Me shume se 700 police janë pjese e operacionit dhe deri tani nuk janë raportuar incidente, apo episode dhune. Per policinë greke, operacioni po shkon me mire nga sa kishte parashikuar. Sipas parashikimeve evakuimi i 8500 refugjateve drejt qendrave te strehimit do te zgjase disa dite. Përfaqësues te organizatës mjeke pa Kufij thane se nata e pare kaloi e qete dhe emigrantet po largohen vullnetarisht, ndonëse përpara nisjes se operacionit kishin deklaruar se nuk do ta braktisnin kampin. Me zhvendosjen nga zona kufitare me Maqedoninë shpresat e tyre jane shuar se do te arrijne te udhetojne drejt Europes Veriore. Nga mbyllja e te ashtuquajturit korridori ballkanik, ne Greqi aktualisht gjenden mbi 54 mije emigrante, mes te cileve edhe siriane. Megjithatë, ka ende dyshime per largimin e tyre drejt Turqisë, pasi marrëveshja mes këtij vendi dhe BE është ne rrezik. Ankaraja do te merrte nje sirian nga Greqia per çdo sirian te larguar nga ky shtet drejt vendeve te unionit, por presidenti turk Erdoan ka paralajmëruar se pakti do te bllokohet, nëse nuk garantohet heqja e vizave për qytetaret turq deri ne fund te qershorit.