Vijojnë protestat në Iran
Nuk kanë të ndalur protestat antiqeveritare në Iran. Qindra mijëra njerëz vazhdojnë të mbajnë të bllokuar rrugët dhe sheshet kryesore kundër korrupsionit, kostos së lartë të jetesës, e papunësisë.
Të pakën 22 persona kanë humbur jetën deri më tani në protestat e dhunshme që kanë përfshirë vendin. Mediat shtetërore njoftuan se protestuesit, mes tyre edhe një fëmijë, ndërruan jetë gjatë protestave mbrëmjen e kaluar, ndërsa më shumë se 450 persona janë arrestuar.
Policia përdori gazin lotsjellës për shpërndarjen e turmave në sheshin kryesor të Teheranit. Ndërsa autoritetet mbyllen rrjetet sociale, me arsyetimin se ndikojnë në thirrjen e pjesëmarrësve në protesta.
Presidenti Hassan Rouhani beri thirrje për ndërprerjen e protestave dhe shprehu keqardhjen për situatën ekonomike.
Ndërkohë, presidenti I Shteteve të Bashkuara të Amerikës, Donald Trump, me anë të një postimi në Twitter u shpreh se iranianët, më në fund po veprojnë kundër regjimit të egër dhe të korruptuar në Teheran.
Komenti I presidentit amerikan vjen pas deklaratës së liderit supreme të Iranit, i cili akuzoi armiqtë e Republikës Islamike se po nxisin protestat e dhunshme antiqeveritare.
Ndërkohe Ministria e Jashtme Turke shprehu shqetësimin e bëri thirrje për shmangien e provokimeve, të cilat mund të sjellin përkeqësim të situatës. Ndërsa kryeministri izraelit Benjamin Netanjahu i cilësoi protestuesit “trima” e “heronj” dhe u uroi atyre “sukses në përpjekjen për liri”.
