Policia e Shtetit vijon operacionin masiv antikanabis në të gjithë territorin e vendit, nga ajri e toka. Policia zhvilloi kontrolle në sera, magazina, ish-depo e tunele, banesa të braktisura, toka private e shtetërore, në sipërfaqe pyjore dhe kullota, ku më parë është gjetur ose jo kanabis. Gjithashtu pjesë e kontrolleve janë bërë edhe vijat bregdetare, në basene e ujëmbledhës. Në 72 orët e fundit në zona malore të pyllëzuara janë gjetur të kultivuara dhe janë asgjësuar gjithsej 163 bimë kanabis. I pranishëm në operacion ishte edhe drejtori i përgjithshëm i policisë së shtetit, Haki Çako.
