Teksa Luan Mema pritet të kthehet në atdhe, policia nuk ka asnjë informacion për vendndodhjen e kapitenit Dhimiter Malja, i cili u mor peng nga egjiptiani së bashku me Memen. Pavarësisht kërkimeve të shumta si nga familjaret ashtu edhe nga autoritetet egjiptiane, nuk ka ende gjurmë. Ndërkohë mësohet se Luan Mema ka dhënë dëshminë e tij. Sipas marinari shqiptar, egjiptiani u kishte hedhur ilaç në ushqim dhe kur është zgjuar e ka parë veten të lidhur. Ai tha se kur është përmendur nuk e ka parë kapitenin Dhimitër Malja. Por nga ana tjetër ende nuk dihet se çfarë ka thënë në polici Adel Mohamed Salam. Familjarët thonë se Mema ka mbetur pa para dhe nuk po siguron dot biletën për t’u kthyer në Shqipëri.
