Situata nga zjarret në vend është përmirësuar ndjeshëm. Ministria e Mbrojtjes raporton se aktive janë 11 vatra, por pa rrezik për përhapjen e mëtejshme të flakëve.
Në Frakull të Fierit, ku beteja me flakët ishte e vështirë per dy dite me radhe situata është qetësuar. Megjithatë, rreziku i riaktivizimit është prezent pasi vatrat jane ne zonë me pyll pishe. Për të mbajtur nën kontroll flakët, në terren janë të angazhuara 13 mjete zjarrfikëse, 4 autobotë, një helikopter dhe forca të tjera.
Himara po ashtu u përball me një pamje apokaliptike ne oret e vona te se premtes por tashmë flakët janë shuar. Ministria e Mbrojtjes raporton se operacioni në Himarë ka përfunduar dhe se vatra e zjarrit nuk është më aktive.
Ndërkohë, në Bardhaj të Shkodrës, në një zonë kodrinore, flakët vijojnë të djegin sipërfaqen e pyllëzuar prej 24 orësh. Në vendngjarje janë angazhuar 5 automjete zjarrfikëse, shërbimi pyjor dhe strukturat e emergjencave civile. Opracioni mbeshtetet gjithashtu nga ajri nga helikopteret e forcave te armatosura.
