VIDEOT virale/ A e parashikuan “The Simpsons” shembjen e urës në Baltimore?
Pjesë nga episodet e vjetra dhe të reja të The Simpsons po bëjnë xhiron e internetit, ku duket se seriali – ndër të tjera – kishte parashikuar aksidentin me shembjen e urës së Baltimorit!
Përdoruesi Mamma Gypsy ngarkoi në TikTok një klip nga një episod i fundit, (Sezoni 35, Episodi 8), ku Homeri ndodhet në Skoci, përballë urës së katërt, ndërsa në ujërat e lumit ndodhet edhe një anije tregtare që shkon drejt urës.
@mamma.gypsyLooks like it’s heading right to that beam too… episode was made 3 months ago… prayers for all the lives lost♬ Spooky, quiet, scary atmosphere piano songs – Skittlegirl Sound
Ngjashmëria e urës, anijes dhe peizazhit me Urën e Baltimores është pothuajse e çuditshme.
Përdoruesi i TikTok Canaanite ngarkoi një video nga një episod i vitit 1996 ku Hank Scorpio krijon një pajisje Doomsday dhe demonstron aftësitë e saj para qeverisë duke hedhur në erë një urë. Sidoqoftë, episodi ka të bëjë me urën Queensboro në Nju Jork, jo për Francis Scott Key në Baltimore.
Simpson’s prediction of Baltimore bridge collapsepic.twitter.com/UvYlKd7EmY
— Worldupdates ( Breaking ) (@itswpceo) March 28, 2024
Ndoshta “prova” më e keqe e parashikimit të Simpsons në Baltimore është një video e Tik Tok që tregon spikerin imagjinar të lajmeve Kent Brockman duke lexuar lajmet për shembjen e urës, duke përfshirë kohën dhe datën e saktë që ndodhi.
Mirëpo, videoja që qarkulloi gjerësisht në orët e para të katastrofës në Baltimore rezultoi e rreme, e modifikuar me teknologji AI.
Në përgjithësi, komedia ikonë e animuar The Simpsons është e njohur për “parashikimin” e ngjarjeve të caktuara historike përpara se të ndodhin në jetën reale.
Kjo listë përfshin presidencën e Donald Trump, fituesit e Super Bowl dhe marrjen e 20th Century Fox nga Disney. /vizionplus.tv
