VIDEO/ Tërmeti i fuqishëm godet Perunë
Një tërmet i fuqishëm goditi sot jugun e Perusë, duke shkaktuar panik te banorët.
Lëkundjet u ndjenë në disa zona të vendit.
Sipas Institutit Gjeofizik të Perusë (IGP), tërmeti ishte me magnitudë 7.2. Thellësia e vatrës sizmike u vlerësua në rreth 108 kilometra.
Lëkundjet u ndjenë edhe në Lima
Tërmeti u ndje fuqishëm edhe në kryeqytetin Lima, si dhe në rajonet Arequipa, Ica dhe Abancay.
Kreu i IGP-së, Hernando Tavera, deklaroi për mediat peruane se thellësia e madhe e tërmetit bëri që lëkundjet të ndiheshin në një zonë të gjerë.
???????? NOW: Ayacucho reels after 7.2 quake
Images show residents pouring into the streets of Coracora, Ayacucho, Peru moments after the magnitude 7.2 earthquake struck Thursday afternoon.pic.twitter.com/hYcfHtbthY https://t.co/ChxPDLrSaw— War Updates FC (@k_c_shivansh) August 20, 2026
Sipas tij, banorë të shumtë dolën në rrugë të alarmuar, ndërsa fatmirësisht nuk ka të dhëna për viktima, të plagosur apo shembje ndërtesash.
Kamerat e sigurisë të një shkolle kanë regjistruar momentin kur nxënësit, të alarmuar nga lëkundjet, u larguan me nxitim nga klasat për të gjetur një vend më të sigurt.
???? BREAKING: Video shows the aftermath inside a school in Ayacucho, Peru ???????? following the powerful M7.2 earthquake that struck the region on Thursday.
— PageWatcher (@page_watcher) August 20, 2026
Pse Peruja përjeton shpesh tërmete të fuqishme?
Peruja ndodhet në një nga zonat më aktive sizmike në botë, pjesë e të ashtuquajturit “Unaza e Zjarrit” e Paqësorit.
Aktiviteti i lartë sizmik lidhet me përplasjen e pllakës së Nazkës me pllakën e Amerikës së Jugut. Pllaka e Nazkës zhytet nën pllakën më të lehtë të Amerikës së Jugut me një shpejtësi prej rreth 55-60 milimetra në vit.
Kjo lëvizje tektonike krijon tensione të mëdha në nëntokë, duke shkaktuar tërmete të fuqishme, hendeqe të thella oqeanike dhe aktivitet vullkanik përgjatë vargmalit të Andeve.
