Pasditen e sotme ish-kryeministri Sali Berisha ka dhënë këtë pasdite një mesazh për të gjithë anëtarët dhe delegatët e PD, që të marrin pjesë nesër në Kuvendin e datës 11 dhjetor.
Gjatë fjalës së tij, u ndal edhe tek moti ndërsa i bëri thirrje pjesëmarrësve të vishen trashë për të përballuar të ftohtin. Sapo mbaroi mesazhin drejtuar demokratëve, ish-kryeministri nisi të fliste me stafin, duke thënë se duhet ta përsërisnin dhe një herë.
“Ta bëjmë edhe një herë, se thashë vishuni trashë”, tha Berisha.
Sinjali u ndërpre dhe më pas u rikthye sërish, por ish-kryeministri ishte ende i hutuar. “Po tani ça të bëj?!”, tha ai.
