Rusia njoftoi se një aeroplan transporti rus Ilyushin Il-76 me 15 persona në bord u rrëzua sot pak pas ngritjes për shkak të zjarrit në një nga motorët e tij.
Ministria ruse e Mbrojtjes njoftoi se përplasja ka ndodhur në rajonin e Ivanovës. Sipas faqeve ruse të lajmeve, nuk ka të mbijetuar.
Lexo edhe :
Videot që qarkullojnë në rrjetet sociale ruse, të cilat nuk janë verifikuar, tregojnë një aeroplan me motorin në flakë duke u rënë drejt tokës.
#BREAKING Russian Il-76 aircraft caught fire and crashed in Ivanovo region.https://t.co/iOhO2S9xu3#Russia #Russian #UkraineWar #Ukraine #UkraineRussianWar #Rusia #BREAKING_NEWS #BrigitteMacron pic.twitter.com/dkEl7iPk5E
— ToyotaDshk (@Toyotadshk) March 12, 2024
Autoritetet ruse ende nuk kanë komentuar për përplasjen. Kanali 112 Telegram raportoi, pa cituar burimet e tij, se IL-76 u rrëzua në një pyll afër aeroportit Severny. Kanali, i cili ka lidhje me shërbimet e sigurisë ruse, tha se shërbimet e urgjencës kishin shkuar në vendngjarje.
Kanali Shot Telegram raportoi se në bordin e avionit ishin 15 persona, tetë anëtarë të ekuipazhit dhe shtatë pasagjerë. Përplasja e raportuar vjen disa javë pasi një aeroplan IL-76 që Moska pretendonte se mbante dhjetëra të burgosur lufte ukrainas u rrëzua pranë kufirit ukrainas. Rajoni i Ivanovës ndodhet më shumë se 700 kilometra nga kufiri me Ukrainën.
