Kryeministri Edi Rama ka etiketuar median si këshilltaren më të keqe të njeriut në lidhje me situatën e jashtëzakonshme emocionale që po përjeton vendi.

 

Në një postim në Facebook, Rama teksa ka ndarë pamjet e një pallati të dëmtuar nga tërmeti, shkruan se edhe pse pamjet janë të llahtarshme ai nuk ka asnjë rrezik shembjeje sipas ekspertëve ndërkombëtar.

 

Rama nënvizon se pallati është plotësisht I riparueshëm dhe se çarja e mureve nuk do të thotë asgjë.  Rama thekson më tej se pas riparimit banorët mund të rikthehen qetësisht në shtëpi.

 

“Miqtë e mi! Shikojeni një shembull tipik se si paniku, ankthi dhe shoqja e tyre, media, mund të jenë këshilltarët më të këqinj të njeriut në këtë situatë të jashtëzakonshme emocionale, kur bëhet fjalë për të vlerësuar një godinë të goditur nga tërmeti! Ky pallat, që më tmerroi edhe mua njësoj si juve kur e pashë, u bë objekt i lloj-lloj debateve me klithma agresive në tv, me lloj-lloj postimesh kobzeza në portale, me gjithëfarë statusesh lemerisëse në fejsbuk, sot u inspektua nga ekspertët ndërkombëtarë. Konkluzioni: Pallati nuk ka ASNJË RREZIK SHEMBJEJE. ËSHTË PLOTËSISHT I RIPARUESHËM (Çarja apo rënia krejt e mureve s’do të thotë asgjë, sepse fatin e një godine e përcakton struktura jo muret) PAS RIPARIMEVE BANORËT MUND TË RIKTHEHEN QETËSISHT NË SHTËPI. Ja pra çfarë shkaktojnë paniku, ankthi dhe media, trinjakët e padurueshëm të kësaj situate, që marrin peng zemrat e mendjet e njerëzve të tromaksur nga goditja shkatërruese e Natyrës dhe Media.”

 

 

Leave a Reply

Your email address will not be published. Required fields are marked *