Një 21-vjeçar u shpall në kërkim nga policia e Kurbinit, pasi dyshohet se qëlloi me armë zjarri në dasmën e kushëririt të tij.
I riu Klajdi Tafaj u vu nën akuzë pas një videoje të publikuar në rrjetet sociale ku shfaqej duke hapur zjarr me kallashnikov nga një makinë ne ecje në aksin Laç-Mamurras.
Sipas policisë, videoja u regjistrua në datën 15 gusht, por u publikua disa ditë më pas nga i riu.
Ndërkohë u procedua penalisht për moskallëzim krimi edhe dhëndri, ndërsa u sekuestrua në cilësinë e provës materiale arma e zjarrit si dhe disa fishekë.