VIDEO/ Presidenti Macron “sulmohet” sërish, goditet me vezë në mes të turmës

Presidenti francez Emmanuel Macron është goditur me vezë, ndërkohë që ndodhej mes turmës, gjatë vizitës së tij në Lyon.

Ai shihet teksa tenton të çajë turmën e njerëzve, kur papritur dikush e godet me vezë nga pas.

Badigardët e tij menjëherë e rrethuan, në mënyrë që ky incident mos të përfundonte me pasoja të rënda.  Autori që e goditi me vezë, është arrestuar nga shërbimi i sigurisë.

Kujtojmë se në qershor të këtij viti, një burrë goditi me shpullë presidentin francez, gjatë një ecjeje dhe takimi me njerëzit në rajonin e Drome, në Francën juglindore.