Këto janë pamjet që tregojnë konfliktin e ashpër mes dy studentëve 19-vjeçar në “Qytetin Studenti” në kryeqytet, konflikt gjatë të cilit i riu Ajdin Avazi plagosi me thikë bashkëmoshatarin e tij.
Pesë ditë më parë, studentët e universitetit privat “Metropolitan” u përfshinë në një përplasje fizike pak metra larg institucionit arsimor.
Lexo edhe :
Related Posts
Pas ngjarjes, i plagosuri Aron Demiraj vrapoi në një fast food ngjitur me shkollën dhe kërkoi ndihmë.
Ndërsa pas krimit, autori hodhi thikën dhe është larguar gjithashtu me shpejtësi, por u arrestua pak minuta më pas.
Nga ana tjetër i plagosuri Aron Demiraj ndodhet ende i shtruar në spitalin e Traumës pas tre goditjeve me thikë, në brinjë, qafë dhe shpatull.
Pas stabilizimit të gjendjes shëndetësore pritet që 19-vjeçari të merret në pyetje nga grupi hetimor.
/vizionplus.tv
