Ministri i Investimeve Publike i Serbisë dhe Kryetari i Bordit Ekzekutiv të Partisë Progresive Serbe (SNS), Darko Glišić, u sëmur papritur mëngjesin e së martës, teksa ishte i ftuar në Programin e Mëngjesit në televizionin serb TV Pink.
Gjendja e tij shëndetësore u përkeqësua gjatë transmetimit live, duke bërë që programi të ndërpritej menjëherë. Ministri u transportua me urgjencë në Qendrën e Emergjencës në Beograd, ku mjekët konfirmuan se ai kishte pësuar një goditje në tru.
UDARNO: Hitno prekinut program na Pinku! Glišić se šlogirao u sred emisije?!
Ministru za javna ulaganja Darku Glišiću naglo je pozlilo uživo u jutarnjem programu na Pinku. pic.twitter.com/otIuN977tP
— Mario ZNA (@MarioBojic) August 5, 2025
Ministri i Shëndetësisë, Zlatibor Lonçar, deklaroi se Glisic mbërriti në spital pa ndjenja dhe është në gjendje të rëndë. “Po bëhen diagnostikime dhe ka nisur terapia. Orët e para pas goditjes janë vendimtare,” theksoi Lonçar.
Presidenti serb Aleksandar Vuçiç ka vizituar personalisht Glisic në spital dhe i ka dërguar një mesazh mbështetjeje përmes Instagramit, ku shkroi: “Mos u dorëzo!”
Darko Glisic, i lindur më 28 maj 1973 në Ub, është një figurë me peshë në politikën serbe. Ai ka shërbyer si deputet për dy mandate dhe është ministër që nga maji 2024. Njihet si një nga bashkëpunëtorët më të afërt të presidentit Vuçiç dhe ka qenë pjesë e Partisë Progresive Serbe që nga themelimi i saj.
/vizionplus.tv
