Madonna pati një moment të papritur në skenë gjatë koncertit të saj në Seattle. Teksa performonte hitet e saj, në kuadër të turneut ‘Celebration’, Madonna u rrëzua nga karrigia.
Mbretëresha e popit po këndonte ‘Open your Heart’ ndërsa një nga kërcimtarët e saj tërhoqi karrigen ku ajo ishte ulur gjatë shfaqjes së saj.
Megjithatë, ai humbi ekuilibrin dhe u rrëzua, duke bërë që Madonna të binte me të. Këngëtarja ishte e patrembur, teksa u kthye dhe vazhdoi performancën duke qeshur, përpara se të ngrihej në këmbë me ndihmën e një partneri./vizionplus.tv
